مهو اي ولد هيقورا يعنى هيقروا لازم تعرفوا انتوا ايه

انواع الولاد على النت...
المرحلة الأولى :
( الي يدوبك لسه متعلم يدخل نت)

طبعا تلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت


والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


(المرحلة الثانية:
( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك


(المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت رخامه
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه


4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟ رخامه ااخر حاجه

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت احسن حاجه

6- الحبيب

انا فيا جاذبية وكل البنات بتعجب بيا ... .... ايام ما كنت ف الكليه وهو اصلا تلاقيه محدش بيبوصلوا بلا نيله
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش عامل فيها فلانتينو
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10-بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه وعياله ف الجامعه واتخطبوا وخلاص هيموت وهو
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة




علشان بس تعرفو اننا نقدر نعمل زيكو واكتر
وقولت ليكم من الاول لو علي الكلام فالكلام كتييييير
___ههههههههههههه انا بس احاول اكشف للبنات الشباب ايه



يارب تعجبكوا هستنوا ردودكوا العاشقه ______________

شكرا بجد بس مش كل الشباب كده فى شباب وشباب


فى شباب من النوع ده وفى شباب من النوع غاللى تحب التعارف باحترام وبادب وده مش كتير

والله انا مبسوطه لردودكوا جدا باك انت وكابو وااكيد كابو انت حاجه والباقي كله حاجه تانيه اما بالنسبه لاقتراحك باك فالموضوع وما فيه انى والله الي ممكن اعرفه عنك انك شخص محترم جدا بس من انهي انواع ع النت للاسف معرفش بس والله دي حقايق بتقابلها البنات ومش عيب اننا نشوف غلطات بعض وعيوبنا نصلحها بايدينا احنا اخوات كلنا وولدا بلد واحده صح ولا ايه وع العموم انا مهما كتبت عن شباب مصر فهما من احسن الشباب ف العالم بس برضوا قفضل قرفاكوا كده لحد ما تقولوا حقنا برقبتنا شكرا ليكواااااااااااااااااااااااااا جدا

بلاش انت دحنا حتى انسحب احسن بدل منخسر بعض

جاااااااااااااااااااااامد الموضوع ده والله وفعلا بلاقي ناس كده وعلي فكره في صفات من اللي انتي قولتيها فيه بس بجد انا هغير من نفسي كتير اشكرك عاشقه علي الموضوع ده بجد وفعلا انا حسيت ان حظي بقي فعلا حلو ان انا معاكوا

شكراً جداً يا عاشقة على زوقك و كرم أخلاقك



بس مش هقول حقي برقبتي أبداً NO Way كما قيل البحر خلفكم و البنات أمامكم فهاجموهم

هههههههههههههههههههه يا باك بلاش انت بس انا هنا ليا اهم حد يعنى متقدرش تيجي جنبي ولا تعمل اي حاجه وجرب كده هتلاقي المنتدي كله عليك ههههههههههه فبلاش ااحسن



اما انت زيزو فميرسي بجد لرد ع الموضوع والله ويارب كل حاجه بكتبها تعجبك ميرسي جدا جدا

ماشي يا كبيرنــآ و عاوز أقــول إن أنت كبيري في المنتدى و براه و اللي يقربلي ما أدراكوا باللي هيحصلوا و لقد أعذر من أنذر

"بس الكلام ده بعد الهدنة"

يا باك انت لسه صاحي والله انت كده بقالك كتير صاحي وبعدين احنا خلاص عملنا هدنه اما انت يا علاء فانا فعلا ماليش غير طبعا انتى سندي هنا ف المنتدي يعنى اخويا الكبيره والي واقف جنبي وبجد ربنا يخليك ليا وميرسي لزوقك وبلاش كلام بقي اكتر من كده احسن والله اعيط بقي