كله تمثيل ف تمثيل ومحدش ياخدها علي صدره

عشان الاستاذ الفاضل الغالي والي مفيش حد اغلي منه الاستاذ كابو ميزعلش منى انا كتبت موضوع بفهم الناس ان الدنيا اتبنت علي الصح والغلط ........الضحك والبكي ............الحب والكره
محدش مننا كويس اوي ومحدش وحش اوي لازم هنقع كده ف حاجات ف النص بس الاهم بقي ان الحاجات دي متقصرش علي الي حولينا نحافظ علي احساسهم ...................
الموضوع ده بقي عن الي بيحصل ما بين اي اتنين بيحبوا بعض بجد نشوف كده .......
ده بقي الحوار من اول التعارف
"إنتى البنت إللى فى خيالى نفس الشعر و نفس العينين و نفس الجسم و..."
دى أول جملة الولاد بيقولوها للبنات فى بداية إشتغالاتهم لبعض و طبعا بيكون
رد البنات "إنت فارس أحلامى ناقصك حصان و خوذة و تبقى صورة طبق
الأصل للواد إللى باحلم بيه" الحياة بتفضل طبيعية لمدة شهر تقريبا فى كل
مقابلة الولد بيحلق دقنه و بيمسح الجزمة و يغسل سنانه و يكوى هدومه
و البنت بتسرح شعرها و تحط ميك اب و بتلبس هدوم شيك و لكن بعد مرور
الشهر إياه كل واحد بيزهق من التانى .. الولد بيرجع للكورة و
لعب الاستيميشن و قعدة القهوة و البنت بترجع لصاحباتها و النميمة
و الفرجة على التليفزيون و الرقص فى أوضة النوم و بعد ما كان
حاطط لها نغمة "قصاد عينى" بقى يحطلها نغمة "كلهم بيقولوا كده فى الأول"
، السبب الحقيقى للمشاكل دى إن كل واحد بيزهق من التمثيل على التانى و بيبدأ
كل واحد يظهر على طبيعته ، الولد بقى بيتأخر على معاده مع البنت ساعة و
بيروح يلاقيها لسه ماجاتش و بينزل ضارب شعره جيل و منعكشه
و مربى ذقنه و البنت بتيجى لمه شعرها بتوكة و من غير ميك آب .. و بعد ما كان
بيشدلها الكرسى علشان تقعد بقى بينقى الكرسى النضيف و يقعد عليه
و بعد ما كانت بتصمم إنها تشرب أى حاجة على مزاجه مابقتش تشرب غير قهوة
سادة زى اليوم الإسود إللى مش هيعدى ، العيوب إللى كانت مستخبيه كلها ورا
التمثيل بتاع أول شهر حب بتظهر و كل واحد بيقول للتانى انه لازم يتغير علشانه
لو بيحبه بعد ما كان الواد بيقولها إنه عارف إن مشكلته انه عصبى و هى ترد
عليه مش مهم يا حبيبى أنا هاستحمل و مش هاستفزك و اول ما يتنرفز عليها
و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا
و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد
مش هيسكت و البنت هاترجع رابطة عينيها و الولد هيرجع مجبس رجله و بعدين
هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب
الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى
لما نتجوز و طبعا علشان ما تحصلش إصابات زى الحادثة إللى فاتت بتضطر تاكل
و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى
بكره و لو إتصل بيها على الموبايل تقوله بابا قاعد معايا فى الأوضة و تقفل فى
وشه السكة ، كل واحد بيكون مصمم إن التانى يتغير علشان يقدروا يكملوا
مع بعض و الرد الطبيعى بيكون أنا كده و عمرى ما هاتغير عجبك على كده ماشى ..
مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل
حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح
الإثنين هيستحملوا بس المشكلة إن ده كله تمثيل فى تمثيل و لما بيزهقوا كل
حاجة بتظهر على حقيقتها.
وطبعا كل واحد بيكتشف ان كل واحد مش هو ده الي حبوا ده حد تانى خالص بجد ده الي بيحصل مفيش اكتر من كده محدش يزعل منى الحقيقه اوقات بتوجع بس لازم نعرفها

اختكوا العاشقه

ههههههههههههههههههههههههههههه اه والله يا كابو فعلا تخيل انا حاسه بصمت رهيب شكل اسمي عمل حاجه ف المكان ولا ايه بس مش لدرجه الصحره الموقع بقي مهجور
اه صحيح حمد لله علي سلامه الجهاز بتاعك قولوا الف سلامه علي شاشتك وربنا ما يحرمنا من كهربتك ف الدنيا ههههههه
وميرسي يا جميل ع الرد واحنا استحاله اصلا نزعل من بعض انت اخويا