نكت حـــــــــــــــــــــامــــــــــــــــــــــدة مــــــــــــــــــــــــــــــــوت

واحد بعربية شبح واقف فى إشارة مرور جنب واحد بعربية سيات، صاحب العربية
السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى
مليون جنيه؟ الراجل الثانى قاله إنت مجنون وللا شكلك كده؟ فرد عليه صاحب السيات
وقاله أنا عربيتى فيها عفريت يحقق لك أى حاجة، المهم دخل صاحب الشبح معاه فى
السيات وحرك الدركسيون فظهر العفريت فقاله صاحب العربية قوام هات شاى لى وقهوة
للبيه، فراح جابهاله، المهم بدلوا العربيات وأخد صاحب السيات مليون جنيه كمان،
واما دخل صاحب الشبح العربية السيات وحرك الدركسيون ظهر الجنى فقاله عيزك ترجع
لى عربيتى تانى والمليون جنيه، رد الجنى وقاله معلشى أنا بتاع شاى وقهوة بس.


في مره طفل خلوه عند جدته لان امه بتشتغل , بعدين راح الطفل يعيط عاوز امه
ترضعه المهم بعد يومين مرض الطفل و كان علي وشك الموت يوم فحصوه قال الطبيب
ابنكم شارب حليب منتهي الصلاحيه !!!!!
طلعت جدته هي اللي رضعته

على سلم احدى العمارات .. طفل صغير يحاول أن يرن جرس باب احدى الشقق لكن
الجرس كان عالى عليه
بعد قليل كان فيه رجل كبير فى السن طالع السلم فرأى الطفل فرن الجرس نيابه
عنه
قال له الطفل : عمو عمو ياله نجرى بسرعة قبل أصحاب الشقة مايفتحوا الباب


مرة واحد الدغ في 24 حرف...جه ينادى واحد صاحبه اسمه تامر قال له يا
وليييييييد

مره المدرس سأل الاطفال فى الفصل الى يفتكر نفسه غبى يقف ... بعد شويه وقف
تلميذ ....فساله المدرس و ليه بقه يا سيدي بتفتكر نفسك غبي ..فرد عليه التلميذ
اصلي محبيتش اشوفك واقف لواحداك يا أستاذ


صعيدي ربنا فاتحها عليه وساكن في الدور الخامس

وبعد ما نزل الصبح افتكر انه نسى نظارة الشمس والمنديل

فنادى علي زوجته وقالها ارمي النظارة والمنديل

فرمت زوجته النظارة فانكسرت

فقال لها خلي المنديل انا طالع اخذه

مرة كان في مؤتــمر طبي منعقد في دولة أجنبية

بعد المؤتمر أجتمع واحد أمريكي و وواحد فرنسي وواحد مصري و كل واحد قعد يتكلم عن إنجازاتة

الأمريكي : أحنا كان عندنا في أمريكا واحد ما بيشوفش رحنا عملنا أيه ؟؟

جبنا قطة و دبحناها و خدنا عنيها و زرعناهم للراجل

إللي واقفين أستغربوا وقالولوه : و بيشوف كويس

الأمريكي : يوووه دا بيشوف إللي ورا الشمس

راح جه الفرنسي و قال أحنا كان عندنا واحد كبده تعبان فجبنا قطة و دبحناها وخدنا كبده و زرعناه للراجل

قالوله : و بيشتغل كويس

قالهم الفرنسي : يوووه دا بيهضم الزلط

قام المصري قال : أحنا بأه كان عندنا واحد مخة بايظ رحنا شيلنا مخة و حطينا بدالة جزمة

قالوله : أيه داا و شغال كويس

قالهم : يوووه , دا بقي رئيس وزراء عندنا دلوقت

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى


محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق


واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37


واحد راح للدكتور بيقولوا يا دكتور كل ما اكلم واحد ينام مني ........... يا دكتور .......... يا دكتور

بلديات فتح محل انابيب غاز . فجّر اسطوانتين فى وسط البلد .. دعاية

,احد بيقول لصاحبه .. الحق الثعبان دخل غرفة حماتك ... قاله: سيبه يستاهل

ثعبان نظره ضعيف يوم ما حب واحده..... طلعت خرطوم

بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!


واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى


واحد بلدياتنا رجع من السفر لقى الشقة مليانه صراصير.... غير قفل الباب

اربع صعايده دخلوا الإمتحان جلهم سؤال: كم عدد أرجل المعزه ؟
بعد الأمتحان طلعوا كلهم ماعدا حسنين ولما ظهر قالوا له ليه مغششتناش قالهم : أصل المراقب كان جنبي وما قدرتش أطلع المعزه



مرة واحد بلدياتنا حب يطور الهليكوبتر فك المروحة وركب تكييف


واحد دخل مطعم وطلب طبق فول، وبعدما أنتهي من آكله سأل الجرسون الحساب كام,فرد الجرسون 13 قرش، مد الرجل يده في جيبه وأخرج الـ 13 قرش ورماها على الارض،
وتكرر المشهد 3 ايام متتالية، وفي اليوم الرابع دخل
المطعم وكنش معاه فكه فاعطى الجرسون ربع جنيه وقال له واحد فول، طبعا
الجرسون حب ينتقم منه فاحضر الباقي 12 قرش ورماهم على الارض وقال له خذ الباقي،
فاخرج الرجل قرش من جيبه ورماه فوق الـ 12قرش وقال للجرسون وحياتك طبق فول تاني.


مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا


واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها " دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض."
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت


واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين ... ولما وصـل الى ميه وتسعة وتسعين... جـاه النوم … قـام غـسـل وشه ورجــع للـسـريـر يـكـمـل الـعـد



واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية


مرة مدرس رياضة اتجوز مدرسة رياضة خلفوا ولد متساوى الساقين


ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ، والموس فيه حدين ، والصحراء ما فيهاش حد


هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه


زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله


واحد أحول راح يجيب أبوه من المطار باس الشنطة وشال أبوه


مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة


تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع



سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز
توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك


واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح


اثنين مساطيل قاعدين بيشربوا فى الخلاء . جه البوليس . و احد هرب و التانى
حط نفسه فى الطين . الظابط لقى حاجة بتلعب فى الطين .
طلعه . قال له :بتعمل ايه ؟ المسطول رد: هو يا افندم الانسان مخلوق من ايه؟
رد الظابط : من طين . قال المسطول : شوفت ! و شرفك انا لسه مخلوق دلوقت حالا


اتنين صعايدة اتقابلوا . الاول قال للتانى : هو ابوك بيتآلط علينا ليه ؟
التانى : ليه يا عم ؟ الاول : من ساعة ما مات محدش عاد بيشوفه !!


واحد مسطول رجع مع صاحبه البيت الفجر . مراته بصت من البلكونة.
بقينا الفجر و لسه جاى , اطلع يا منيل". قال لها : اطلع فين ؟؟؟
انزلى شوفى جوزك مين فينا


واحد بيقول لصاحبه : شايف الست اللى واقفة هناك دى ؟بتضرب كل يوم جوزها
بالجزمة !! .قال له : و عرفت ازاى ؟؟رد : اصلها مراتى



واحد بيقول لصاحبه : انتهت على ايه الخناقة بينك و بين مراتك امبارح؟؟
رد : هه ...دى جت لغاية عندى و ركعت قدامى !!قال له يا سلام و قالت لك ايه ؟
قال له : قالت لى : "اطلع من تحت السرير يا جبان"



مرة واحد ماشي في الشارع فقابل واحد تاني شكله مش على بعضه و مستعجل اوي و
بيقول : لو سمحت من فضلك قلعني الجاكتة
فالاولاني قال له : نعم؟!!!
فالتاني قال : قلعني الجاكتة بسرعة
حاضر.. حاضر و راح مقلعه الجاكتة
لو سمحت بقه قلعني الكرافتة
إيه؟!!
الكرافته ..الكرافته بسرعة
حاضر.. حاضر و راح مقلعه الكرافته و هو مستغرب اوي من الراجل الغريب ده : ها
يا سيدي اي خدمة تانية!!
اه .. معلش فكلي زراير القميص
لااااا دانت زّودتها اوي .. كده تاخد برد يقلب بنزلة شعبية حادة تاخد أجلك
من فضلك فكها .. بسرعة .. ارجوك
ُافففففف.. وادي زراير القميص خلاص فكتها.. دا كان يوم إيه المهبب ده, ها أي
اوامر تانية؟
أيوه قلعي بقه القميص
يا سيدي عييب .. مايصحش كده , د إحنا فى الشارع خللي عندك دم ... .. يا حول
الله يا رب !!
أرجوك.. أرجوك بسرعة.. مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص
هاااا.. إيه تاني!!
إرسملي على ظهري خطوط بالطول و خطوط بالعرض
حسبي الله و نعم الوكيل .. إنت مجنون ياراجل أنت؟؟!!
من فضلك .. أرجوك
رسمتلك زفت بالطول و زفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب .. بقه إنت معطلني كل ده علشان تلعبني سيجه على قفاك؟!!!!
بسرعة لو سمحت .. أرجوك رقمهم ... من فضلك مش قادر
أديني رقمتهم...
لو سمحت بقى أهرشلي في المربع رقم 33



سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة



مرة واحد بلديات بيقول لواحد تاني و هو بيجري عليه بسرعة:الحق اخوك عواد
غرقان في دمه ، آم اخينا ده قاله ماتخافش ما هو بيعرف يعوم


مرة واحد صعيدي ماشي في الشارع ومعاه شوية مسامير فوقع منه واحد قعد يندهله
و يقوله تعالى و مفيش فايده آخر ما زهق رما شوية مسامير و قالهم هاتوه


صعيدي كان في جنازة مراته ... ويضحك ... سألوه ليه تضحك ؟؟؟ قال : اول مره
في حياتي اعرف مراتي رايحة فين


قالت الأم لطفلها : حط الحاجة اللي بتخاف عليها في الصندوق وأقفل عليه .
فقام الطفل بوضع مفتاح الصندوق و افل عليه


ذهب أحد الأشخاص لزيارة صديقه ، وعندما ضرب الجرس خرج له إبنه الصغير .
فقال له : السلام عليكم يا حبيبي .. أبوك موجود ؟قال الولد : نعم موجود .
فقال له : طيب ..انت تعرف أسمي ؟فذهب الولد إلى أبوه بسرعة وقال له : بابا .
فيه واحد عند الباب ما يعرفش اسمه